Wyt ti’n mynd i'r brifysgol yng Nghymru? Wyt ti am astudio dy gwrs yn Gymraeg?
Arian yn dy boced di!
Oeddet ti’n gwybod bod arian ar gael drwy nifer o ysgoloriaethau’r Coleg Cymraeg os wyt ti’n astudio rhan o dy gwrs yn Gymraeg?
Nid benthyciad yw’r arian, a does dim rhaid ei dalu yn ôl!
Mae mwy o wybodaeth am bob ysgoloriaeth ar waelod y dudalen.
Bwrsariaeth Goffa Llŷr Roberts 2024
Bwrsariaeth ar gyfer myfyrwyr israddedig sy’n astudio trwy gyfrwng y Gymraeg yw hon, ac mae ar agor i unrhyw bwnc. Bydd y fwrsariaeth yn noddi taith sydd yn gysylltiedig ag astudiaethau’r myfyriwr.
Faint: Bwriedir dyfarnu hyd at 4 bwrsariaeth pob blwyddyn, fydd werth £500 yr un.
Pwy: Myfyrwyr israddedig sy’n astudio trwy gyfrwng y Gymraeg, ac mae ar agor i unrhyw bwnc.
Dyddiad cau: Mae'r cyfnod ymgeisio ar gyfer 2024/25 nawr ar gau.
Prif Ysgoloriaeth
Faint: £1,000 y flwyddyn am hyd at 3 blynedd (cyfanswm o £3,000)
Pwy: Myfyrwyr sy’n astudio o leiaf 66%/80 credyd y flwyddyn o’u cwrs yn Gymraeg ac yn cychwyn yn y Brifysgol ym Medi 2025.
Cyrsiau: Defnyddia ein chwilotydd cyrsiau i weld a yw dy gwrs di ar y rhestr
Cyfnod ymgeisio: 10 Medi - 24 Ionawr
Sut i ymgeisio: Mae'r ffurflen gais ar agor nawr. (Dyma'r ffurflen gais ar gyfer Ysgoloriaeth Gwilym Prys Davies hefyd.)
Bydd angen i unrhyw ymgeiswyr sydd eisiau Prif Ysgoloriaeth i fynd i Brifysgol Aberystwyth neu Brifysgol Bangor, sefyll yr arholiad mynediad. Mae dolenni i gofrestru isod.
Y dyddiad cau ar gyfer cofrestru ar gyfer arholiad mynediad y ddwy Brifysgol yw 31 Ionawr.
Ysgoloriaeth Cymhelliant
Faint: £500 y flwyddyn dros hyd y cwrs
Pwy: Myfyrwyr sydd yn cychwyn yn y brifysgol yn Medi/Hydref 2024 ac sy'n astudio o leiaf 33%/40 credyd o’u cwrs yn Gymraeg mewn UNRHYW BWNC.
Cyrsiau: Unrhyw gwrs sy'n cynnig 33% o’r cwrs yn Gymraeg. Defnyddia ein chwilotydd cyrsiau i weld a yw dy gwrs di ar y rhestr.
Dyddiad cau: Mae'r ffenest ymgeisio ar gyfer y flwyddyn academaidd 2024/25 nawr ar gau.
Ysgoloriaeth Meddygaeth
Faint: £500 y flwyddyn dros hyd y cwrs.
Pwy: Myfyrwyr sy'n astudio cwrs Meddygaeth mewn prifysgol yng Nghymru, ac sy'n astudio o leiaf 33%/40 credyd o'u cwrs yn Gymraeg.
Dyddiad cau: Mae'r ffenest ymgeisio ar gyfer 2025/26 nawr ar gau.
Ysgoloriaeth Milfeddygaeth 'Defi Fet'
Faint: £500 y flwyddyn dros 5 mlynedd (cyfanswm o £2,500)
Pwy: Myfyrwyr Milfeddygaeth Prifysgol Aberystwyth a'r Coleg Milfeddygaeth Brenhinol (RVC). Yn ystod eu hamser ym Mhrifysgol Aberystwyth, rhaid i'r myfyrwyr ddilyn o leiaf 40 credyd y flwyddyn drwy’r Gymraeg. Disgwylir i'r myfyrwyr hefyd gymryd rhan mewn gweithgareddau cyfrwng Cymraeg, cynorthwyo â dysgu Cymraeg i’w cyd-fyfyrwyr, cwblhau asesiadau ysgrifenedig yn Gymraeg ac ymgymryd â mwy na 50% o’u Hastudiaethau Efrydiau Allanol Hwsmonaeth Anifeiliaid (AHEMS) ar leoliadau a ffermydd Cymraeg. Yn ystod eu hamser yn yr RVC, rhaid i'r myfyrwyr ymgymryd â mwy na 50% o’u Hastudiaethau Efrydiau Allanol Clinigol (CEMS) yng Nghymru mewn amgylchedd Cymraeg neu ddwyieithog Cymraeg/Saesneg.
Dyddiad cau: Mae'r ffurflen gais ar gyfer mynediad ym Medi 2025 bellach yn fyw ar wefan Prifysgol Aberystwyth, bydd yn cau ar 30 Ebrill.
Bwrsariaeth Gareth Pierce
Er cof am ei gyn Brif Weithredwr, mae CBAC wedi creu Bwrsariaeth Gareth Pierce i gefnogi myfyrwyr sydd am astudio cwrs gradd Mathemateg drwy gyfrwng y Gymraeg. Y Coleg Cymraeg sy'n gweinyddu’r bwrsariaethau ar ran CBAC.
Faint: £3,000 am y flwyddyn gyntaf yn unig
Pwy: Myfyrwyr sydd am astudio cwrs gradd Mathemateg ac am astudio o leiaf 33% o’u cwrs yn Gymraeg
Dyddiad cau: Mae'r cyfnod ymgeisio bellach ar gau ar gyfer 2024/25.
Ysgoloriaeth Cyngor Gwynedd
Faint: £1,000 y flwyddyn am hyd at 3 blynedd (cyfanswm o £3,000)
Pwy: Myfyrwyr sy'n byw yn ardal Gwynedd sy’n astudio eu cwrs cyfan (100%) yn Gymraeg
Cyrsiau: Defnyddia ein chwilotydd cyrsiau i weld a yw dy gwrs di ar y rhestr
Sut i ymgeisio: Bydd enwebiadau ar gyfer 2024/25 yn cael eu dewis o blith y ceisiadau am Brif Ysgoloriaeth y Coleg.
Ysgoloriaeth Cyngor Môn
Faint: £500 y flwyddyn am hyd at 3 blynedd (cyfanswm o £1,500)
Pwy: Myfyrwyr sy’n byw yn ardal Ynys Môn, sy’n astudio o leiaf 33%/40 credyd y flwyddyn o’u cwrs yn Gymraeg
Cyrsiau: Defnyddia ein chwilotydd cyrsiau i weld a yw dy gwrs di ar y rhestr
Dyddiad cau: Mae'r ffurflen gais ar gyfer 2024/25 bellach ar gau.
Ysgoloriaeth Gwilym Prys Davies
Faint: £1,000 y flwyddyn am hyd at 3 blynedd (cyfanswm o £3,000)
Pwy: Myfyrwyr sydd am astudio’r Gyfraith, sy’n byw yn ardaloedd Meirionydd neu Rhondda Cynon Taf ac sydd am astudio o leiaf 66%/80 credyd y flwyddyn o’u cwrs yn Gymraeg
Cyrsiau: Defnyddia ein chwilotydd cyrsiau i weld a yw dy gwrs di ar y rhestr. Dim ond yn weithredol ym mhrifysgolion Aberystwyth a Bangor.
Dyddiad cau: Bydd enwebiadau ar gyfer 2025/26 yn cael eu dewis o blith y ceisiadau am Brif Ysgoloriaeth y Coleg. Bydd angen i chi gwblhau'r ffurflen gais yn yr adran Prif Ysgoloriaeth.
Ysgoloriaeth Nyrsio Gwanwyn
Faint: £500 y flwyddyn am 3 blynedd (cyfanswm o £1,500)
Pwy: Myfyrwyr Nyrsio sydd yn cychwyn yn y brifysgol yng Ngwanwyn 2024 ac sy'n astudio o leiaf 33%/40 credyd o’u cwrs Nyrsio yn Gymraeg
Cyrsiau: Cwrs Nyrsio sy'n cynnig 33% o’r cwrs yn Gymraeg. Defnyddia ein chwilotydd cyrsiau i weld a yw dy gwrs di ar y rhestr
Dyddiad cau: Mae'r cyfnod ymgeisio wedi cau.
Os nad ydych wedi llwyddo i gyflwyno cais am Ysgoloriaeth i'r Coleg oherwydd amgylchiadau eithriadol, mae modd gwneud cais am apêl. Gweler y Polisi Amgylchiadau Eithriadol am fwy o fanylion.