Wyt ti am astudio Deintyddiaeth yn y brifysgol?
Beth am gofrestru i fod yn rhan o gynllun Deintyddion Yfory?
Mae'r ffenestr gofrestru nawr ar agor tan 03 Mawrth 2025.
Cynllun yw ‘Deintyddion Yfory’ lle ry’n ni’n trefnu gwahanol weithgareddau ar dy gyfer, i dy baratoi di ar gyfer gwneud cais am le ar gwrs Deintyddiaeth.
Mae gweithgareddau’r cynllun yn cynnwys:
- Cyfleoedd i gwrdd â phobl sy’n gweithio ym maes deintyddiaeth, a myfyrwyr sy’n astudio deintyddiaeth ar hyn o bryd, er mwyn clywed am eu profiadau nhw.
- Datblygu dy ddeallwriaeth am y sector a'r math o sgiliau sydd eu hangen arnat ti i weithio
- Datblygu sgiliau i dy helpu i wneud cais llwyddiannus.
- Dy baratoi ar gyfer y broses gyfweld.
O fod yn rhan o'r cynllun bydd yr aelodau yn derbyn cefnogaeth arbenigol gan staff Ysgol Ddeintyddol Prifysgol Caerdydd. Yn ychwanegol, o sicrhau presenoldeb o 70% ar gyfer yr holl sesiynau, bydd Ysgol Ddeintyddol Prifysgol Caerdydd yn gwarantu cyfweliad.
.
Cofrestru
Mae’r ffenestr i gofrestru ar y cynllun ar gyfer 2025 bellach ar agor ac mae angen cwblhau ffurflen gais.