Cronfa Datblygiadau Strategol y Coleg
Oes gennych chi syniad arloesol a fyddai’n cyfoethogi ein darpariaeth i fyfyrwyr?
Mae’r Coleg Cymraeg yn cynnig cyfres o wahanol grantiau sy’n cefnogi mentrau arloesol a chreadigol.
Mae rhai yn grantiau i unigolion ac eraill yn fentrau sydd ag elfen o gydweithio.
Mae’r Gronfa hon ar gyfer darlithwyr sy’n awyddus i gydweithio â sefydliadau eraill sy’n darparu addysg uwch, er mwyn cyfoethogi profiad myfyrwyr.
Mae’r gronfa’n cefnogi dwy brif elfen, sef
Gall hyn gynnwys gweithgareddau pontio neu weithgareddau sy’n cyfrannu at brofiad myfyrwyr presennol. Rydyn ni hefyd yn agored i geisiadau er mwyn cefnogi'r gwaith o gynnal cynadleddau.
A oes gennych chi brosiect unigol yr hoffech chi ei ddefnyddio i gyfoethogi’r ddarpariaeth addysg uwch o fewn eich sefydliad?
A yw’n debygol o barhau am flwyddyn? A fyddai’n gallu arwain at gyhoeddi neu rannu arferion da?
Mae’r Gronfa hon yn cefnogi mentrau arloesol a chreadigol gwerth hyd at £2,500 ac a fyddai, yn y pen draw, yn cyflawni’r amcanion uchod.
Byddwn yn cyhoeddi o leiaf un cylch o grantiau bach fesul blwyddyn. Gall pob sefydliad gyflwyno hyd at bum cais.
Mae’r gronfa hon yn edrych yn benodol ar ein darlithwyr cysylltiol, a’r bwriad yw creu mwy o gyfleoedd i gydweithio â sefydliadau addysgol y tu hwnt i Gymru.
Gall ceisiadau gynnwys:
Mae modd cyflwyno ceisiadau gwerth hyd at £3,000 am brosiectau blwyddyn o hyd. Cysylltwch â Swyddogion Cangen y Coleg am fwy o wybodaeth am y grant hwn.