Mae tiwtoriaid ar gael yn y prifysgolion a’r sefydliadau partner i roi cymorth i ti i baratoi am y Dystysgrif.
Ar ôl cofrestru am y Dystysgrif, bydd tiwtor yn cysylltu â ti i drefnu’r sesiynau.
Beth yw’r Dystysgrif Sgiliau Iaith?
Mae’r Dystysgrif yn rhoi tystiolaeth o lefel y sgiliau iaith yn y Gymraeg, a’r gallu i ddefnyddio’r Gymraeg yn y gweithle.
Mae’n cael ei gynnig drwy brifysgolion yng Nghymru, a sefydliadau partner e.e. Bwrdd Iechyd Betsi Cadwaladr, Llywodraeth Cymru, y Ganolfan Dysgu Cymraeg Genedlaethol.
Mewn prifysgolion, mae’r Dystysgrif ar gael i fyfyrwyr israddedig ac ôl-raddedig ac i staff.
Er mwyn ennill y Dystysgrif, mae’n rhaid rhoi cyflwyniad llafar a chwblhau Prawf Ysgrifennu.
Mae mwy o wybodaeth am y Dystysgrif yn y Llawlyfr Ymgeiswyr isod.
Tystysgrif Sgiliau Iaith Gymraeg
Sut mae cofrestru?
Os wyt ti mewn prifysgol, neu’n gweithio i/astudio gyda sefydliad partner, gelli gofrestru i ymgeisio am y Dystysgrif drwy gwblhau ffurflen syml ar-lein.
Mae’r cyfnod cofrestru ym mis Medi-Hydref bob blwyddyn.
Mae’r gofrestr ar gau ar hyn o bryd. Bydd yn agor eto ym mis Medi.
Pa fath o gefnogaeth sydd ar gael i ti?
Tiwtoriaid
Adnoddau Ar-lein
Os wyt ti eisiau help i baratoi ar gyfer y cyflwyniad llafar a’r prawf ysgrifennu, cofia am yr adnoddau dysgu ar-lein. Mae hen bapurau, cyflwyniadau fideo a chanllawiau’r profion yno i dy helpu di.
Ymholiadau
Os wyt ti’n gwybod pwy yw’r tiwtor Cymraeg yn dy sefydliad, cer i ofyn iddyn nhw am ragor o wybodaeth.
Os wyt ti mewn prifysgol, opsiwn arall yw cysylltu â Swyddog Cangen y Coleg Cymraeg Cenedlaethol.