Beth yw’r Dystysgrif Sgiliau Iaith?
Mae’r Dystysgrif yn rhoi tystiolaeth o lefel sgiliau iaith yn y Gymraeg, a’r gallu i ddefnyddio’r Gymraeg yn y gweithle. Bydd ennill y Dystysgrif yn gymorth i ti wrth ymgeisio am swyddi yn y dyfodol, trwy roi tystiolaeth gadarn i ddangos i dy gyflogwr o dy allu i weithio yn y Gymraeg.
Mae dwy ran i'r Dystysgrif:
Er mwyn ennill y Dystysgrif, mae’n rhaid llwyddo yn y ddwy ran.
Mewn prifysgolion, mae’r Dystysgrif ar gael i fyfyrwyr israddedig, ôl-raddedig ac i staff.
Mae’n cael ei chynnig drwy brifysgolion yng Nghymru, a sefydliadau partner e.e. Bwrdd Iechyd Betsi Cadwaladr, Llywodraeth Cymru, y Ganolfan Dysgu Cymraeg Genedlaethol.
Mae'r ffenestr ymgeisio ar gyfer 2024/25 bellach ar gau.
Manteision
Manylion pellach i ymgeiswyr
Mae pedwar canlyniad posibl ar gyfer y Dystysgrif:
Fel arfer, y trothwy llwyddo fydd 50% ym mhob adran, sef y cyflwyniad llafar a'r prawf ysgrifenedig. Gall yr union drothwyon ar gyfer y gwahanol raddau newid wrth i'r asesiadau gael eu dyfarnu. Rhaid llwyddo yn y ddwy adran i ennill y Dystysgrif.
Bydd cyfle i ymgeiswyr fynd i sesiynau gyda thiwtor i baratoi ar gyfer y Cyflwyniad Llafar a’r Prawf Ysgrifenedig. Nid yw’r sesiynau’n orfodol, ond mae tystiolaeth o’r gorffennol yn awgrymu’n gryf bod mynd i’r sesiynau’n gymorth mawr i ymgeiswyr y Dystysgrif wrth iddynt baratoi ar gyfer yr asesiadau.
Mae gan bob sefydliad diwtor iaith ar gyfer y Dystysgrif. Ar ôl i'r cyfnod cofrestru gau, bydd tiwtoriaid yn cysylltu ag ymgeiswyr drwy e-bost gyda rhagor o wybodaeth ac i gadarnhau trefniadau.
Cynnwys y sesiynau – gall rhain amrywio rhwng gwahanol sefydliadau.
Y Cyflwyniad Llafar
Bydd disgwyl i ymgeiswyr gwblhau eu cyflwyniadau llafar ar-lein cyn canol mis Mawrth. Rhaid i bob ymgeisydd wneud cyflwyniad llafar a fydd yn para 7-8 munud yn ymwneud ag unrhyw agwedd ar ei faes/ei maes astudiaeth. Dylai’r cyflwyniad fod yn addas i gynulleidfa o bobl nad ydynt yn arbenigwyr yn y maes hwnnw; hynny yw, dylid sicrhau bod y cyflwyniad yn ddealladwy i rywun sy’n anghyfarwydd â’r pwnc dan sylw.
Y Prawf Ysgrifenedig
Bydd prawf ysgrifenedig y Dystysgrif yn cael ei gynnal ar gyfrifiadur ym mis Mai ar gampws bob prifysgol. Hyd y prawf fydd awr a hanner. Bydd tair tasg i’w cwblhau yn y prawf ysgrifenedig.
Bydd CBAC yn sicrhau bod arholwr allanol yn gwylio pob cyflwyniad llafar yn fyw ar-lein, ynghyd â'r tiwtor iaith, a bydd pob cyflwyniad yn cael ei recordio at ddibenion cymedroli. Bydd y Prif Arholwr yn cymedroli sampl o'r holl gyflwyniadau.
Bydd y papurau prawf yn cael eu marcio’n ddienw gan arholwyr cymwys wedi eu penodi gan CBAC.
Bydd ymgeiswyr yn derbyn eu canlyniadau drwy e-bost gan y Coleg.
Os wyt ti’n gwybod pwy yw’r tiwtor Cymraeg yn dy sefydliad, galli di ofyn iddyn nhw am ragor o wybodaeth.
Os wyt ti mewn prifysgol, opsiwn arall yw cysylltu â Swyddog Cangen y Coleg Cymraeg Cenedlaethol.