Cynhadledd Cyfathrebu Chwaraeon Menywod
19 Mawrth 2026
Canolfan Taliesin, Prifysgol Abertawe SA2 8PZ
Cynhadledd yn Gymraeg i fyfyrwyr cyfryngau, newyddiaduraeth a’r rheiny sydd â diddordeb mewn cyfathrebu chwaraeon. Mae croeso hefyd i ddisgyblion 6ed dosbarth sydd â diddordeb yn y maes.
Ydych chi’n gwybod beth yw’r ffordd orau o gyfathrebu gyda chwaraewyr ac athletwyr? Beth yw’r llwybr gyrfa posib at fod yn sylwebydd neu yn gynhyrchydd chwaraeon? Sut mae sicrhau bod chwaraeon menywod yn cael sylw?
Yn y gynhadledd hon byddwn yn ceisio ateb rhai o’r cwestiynau hyn ac yn clywed am ymgyrch tîm Cymru wrth baratoi ar gyfer Gemau’r Gymanwlad eleni.
Amserlen
10.00 - 10.15: Cyrraedd a chofrestru
10.15 - 11.00: Sesiwn 1 – cyfweliad gyda’r cyflwynydd chwaraeon Sioned Dafydd
11.00 - 11.30: Paned a sgwrs
11.30 - 12.15: Sesiwn 2 – panel gyda Sioned, y cyflwynydd a chynhyrchydd chwaraeon Gabriella Jukes, ac aelodau o Dîm Cymru i Gemau'r Gymanwlad 2026.
12.15: Cinio - pawb i ddod â phecyn bwyd neu fwyta ar y campws
13.00 Gweithdai - bydd pawb yn mynd i'r 3 gweithdy, A, B, ac C. Mae pob gweithdy yn para 30 munud. Ar ôl mynychu un gweithdy bydd y grŵp yn symud i'r gweithdy nesa' ac yna'r drydedd.
* Gweithdy 'Sut i Sylwebu' gyda Sgorio a Dylan Ebenezer
* Gweithdy 'TikTok Chwaraeon' gyda Gabriella
* Gweithdy 'Cynhadledd i'r Wasg' gyda Tîm Cymru
14.45: Cloi
15.00: Gorffen
Trafnidiaeth
Bydd myfyrwyr yn cael eu had-dalu am eu teithiau trên o Gaerdydd. Gall ysgolion hawlio £50 fel cyfraniad ar gyfer tanwydd bws mini neu drafnidiaeth cludo criw o ddisgyblion o’r ysgol - cysylltwch â Siôn Jobbins isod am fanylion.
Cofrestru:
Llenwch y ffurflen ar-lein yma. Mae’r digwyddiad yn uniaith Gymraeg.
Gwybodaeth bellach:
Siôn Jobbins: s.jobbins@colegcymraeg.ac.uk 07815 85 78 21
