Bwriad y gynhadledd yw rhoi llwyfan i ymchwil wyddonol flaenllaw gan wyddonwyr Cymraeg. Mae rhoi’r cyfle i wyddonwyr drin a thrafod y Gwyddorau drwy gyfrwng y Gymraeg yn greiddiol i’r Coleg ers ei sefydlu ac mae’r gynhadledd yn mynd o nerth i nerth. O ddylunio cyffur newydd i drafod micro-blastig, mae’n gyfle i ni drin a thrafod amrywiol destunau o fewn y Gwyddorau.
Eleni, mi fydd y gynhadledd yn un hybrid ac yn cael ei chynnal yn Llyfrgell Genedlaethol Cymru, ar Ddydd Iau 15 Mehefin 2023 (09:30-15:45).
Cynhelir y gynhadledd yn y Gymraeg ac mi fydd gwasanaeth cyfieithu ar y pryd ar gael. Mae croeso cynnes i bawb sy’n ymddiddori yn y gwyddorau i gofrestru ar gyfer y gynhadledd drwy ddilyn y ddolen isod. Bydd opsiwn i ddatgan a ydych am ymuno â ni wyneb yn wyneb neu ar-lein. Mae modd cofrestru gan lenwi'r ffurflen gofrestru isod.
Galwad i gyfrannu
Mae’r dyddiad cau i gyflwyno yn y Gynhadledd bellach wedi cau. Yn ystod y gynhadledd mi fydd cyflwyniadau ar bynciau amrywiol o fewn y maes gwyddonol (STEM). Mi fydd rhaglen yn cael ei rannu cyn y Gynhadledd.
Cystadleuaeth Posteri
Dylai’r poster fynegi syniad gwyddonol trwy gyfrwng y Gymraeg. Gellir defnyddio poster sydd eisoes wedi cael ei greu yn barod fel rhan o fodiwl.
Bydd dwy gystadleuaeth poster; un i fyfyrwyr israddedig ac un i fyfyrwyr ôl-raddedig.
Bydd gwobr o £50 yr un i enillwyr y ddau gategori. Mae canllawiau pellach isod.
Cyfrannwyr
- Bedwyr ab Ion Thomas - Datblygu therapïau i drin clefydau Prion (neu, sut i greu angenfilod er mwyn brwydro yn erbyn zombies!)
-
Llinos Honeybun - Datblygu Sgrin Cyffuriau ar Gyfer Clefyd Prin CLN3
- Aled Lloyd - Astudiaethau cyfrifiadurol o ymrwymo cyffuriau yn aquaporin 1 dynol
- Cai Stoddard-Jones - Datgloi’r mecanweithiau mewnol o allyriadau ‘centaur’ 29P/Schwasasmann-Wachmann.
- Liam Edwards - Eclips yn amser COVID - arsylwadau golau polareiddiedig o gorona'r Haul yn ystod yr eclips llwyr ar Ragfyr 14eg 2020
- Megan Kendall - Deall Ffurfiad Ocsid ar Diwbiau Dur Carbon yn ystod Prosesu Tymheredd Uchel
- Oliver Tomos Wright - Ehangiad Rhydocs Cydweithredol a Arddangosir mewn Catalysis Deufetel
- Carwyn Sion Hughes - Datblygu Nanofeddyginiaethau Newydd i Dargedu Cancer y Fron
- Maisie Edwards - Pwysigrwydd defnydd y Gymraeg o fewn darpariaeth gwasanaethau gofal iechyd sylfaenol, yn benodol meddygaeth teulu.
- Dr Eifiona Thomas Lane a Rebecca Jones - Profiadau Bwyd Cymru, Cynnal Cymuned a Lle: Dadansoddiad Targedau Cenedlaethau'r Dyfodol.