Beth am gynnig papur neu boster ymchwil ar gyfer y Gynhadledd Ymchwil eleni?
Cynhelir y Gynhadledd Ymchwil ar 27 Mehefin 2025 yn y Llyfrgell Genedlaethol, Aberystwyth, ac ar-lein.
Gellid cynnig un o'r canlynol:
- Cyflwyniad byw - 20 munud o hyd (gyda 10 munud ychwanegol ar gyfer cwestiynau)
- Poster Ymchwil
Rydym yn awyddus i dderbyn cynigion gan unigolion sy'n ymchwilio i bob math o bynciau, ac sy'n cynrychioli ystod eang o brofiad - o fyfyrwyr ôl-radd sydd ond megis dechrau ar eu hymchwil, i staff academaidd sydd â blynyddoedd o brofiad ac wedi cyhoeddi'n helaeth. Mae croeso i bawb gynnig!
Mae'r Coleg Cymraeg wedi ymrwymo i egwyddorion o gydraddoldeb, amrywiaeth a gwrth-hiliaeth, ac felly rydym yn annog ceisiadau gan unigolion Du, Asiaid a Lleiafrifoedd Ethnig, yn ogystal ag unigolion o grwpiau eraill sydd wedi eu tangynrychioli.
Disgwylir i gyflwynwyr, gan gynnwys cyflwynwyr posteri, fod ar gael i gyflwyno mewn person yn Aberystwyth yn hytrach nag ar-lein. Ad-delir costau teithio a darperir llety i unigolion sy'n cyflwyno yn y Gynhadledd.
Gwobrwyir £50 i'r poster ymchwil gorau.
Mae cyflwyniadau a phosteri Cynhadledd Ymchwil 2024 i'w gweld ar Y Porth.
Am ragor o wybodaeth, cysylltwch â Dr Manon James: m.james@colegcymraeg.ac.uk
I gynnig papur neu boster, cwblhewch y ffurflen isod erbyn canol nos, dydd Iau, 24 Ebrill 2025.