Digwyddiad: Gŵyl yr Haf, Coleg Cymraeg Cenedlaethol + Ysgol y Gymraeg, Prifysgol Bangor
Dyddiad: Dydd Mercher 25 Mehefin 2025
Amser: Digwyddiad diwrnod 9.30yb-3yp (cyrraedd ar ôl 9.30 i gofrestru, cychwyn am 10)
Lleoliad: Prif Adeilad Campws Plas Coch, Prifysgol Wrecsam, Ffordd yr Wyddgrug, Wrecsam, LL11 2AW
Cynulleidfa: Dysgwyr Cymraeg Ail Iaith Bl.10, Bl.11 + Bl.12
Nod y diwrnod yw rhoi cyfle i ddysgwyr fydd yn astudio Cymraeg UG/Safon Uwch Ail Iaith ym mis Medi 2025 baratoi ar gyfer y flwyddyn academaidd nesaf, brofi elfennau o fyw a gweithio drwy gyfrwng yr iaith, a chael blas ar astudio’r Gymraeg yn y brifysgol. Cyfle i ennyn diddordeb Bl.10 yn y pwnc a phlannu hedyn dewis Lefel A Cymraeg flwyddyn nesaf.
Yn ddathliad o'r Gymraeg, bydd y diwrnod yn cynnwys amrywiaeth o sesiynau astudio, gweithdai diddorol, sgyrsiau, ffair stondinau, cerddoriaeth a chyfle i gymdeithasu. Cyfraniadau gan Doctor Cymraeg; Mewn Cymeriad; Clwb Pêl-droed Wrecsam; Ysgol y Gymraeg Prifysgol Bangor; Adran y Gymraeg, Prifysgol Aberystwyth; a mwy. Yr union raglen i’w chyhoeddi maes o law.
Bydd yr holl weithgareddau am ddim, a gall y Coleg Cymraeg Cenedlaethol hefyd gyfrannu at gostau teithio ysgolion ac unigolion i gyrraedd Caerdydd. Bydd angen i bawb ddod â'u cinio eu hunain.
Mwy o wybodaeth yn y llythyr isod neu drwy gysylltu â ff.owen@colegcymraeg.ac.uk
Mae'r ffurflen gofrestru ar gael isod. Bydd angen cofrestru erbyn 6 Mehefin fan bellaf. Mae llefydd yn gyfyngedig a byddwn ni'n gweithredu ar sail y cyntaf i'r felin.