Mae'r cyfnod ymgeisio i fod yn lysgennad ôl-raddedig nawr ar agor!
Swydd Ddisgrifiad Llysgennad Ôl-raddedig Y Coleg Cymraeg Cenedlaethol
Rydym yn chwilio am fyfyrwyr ôl-raddedig brwdfrydig i rannu eu profiadau, o’r astudio a phwysigrwydd y Gymraeg i’r cymdeithasu, a cheisio denu mwy i astudio drwy gyfrwng y Gymraeg!
Rydym eisiau dy gefnogi i ddatblygu sgiliau gwerthfawr all fod o fudd i ti wrth chwilio am waith yn y dyfodol, yn ogystal â chael y cyfle i rannu dy brofiadau.
Galli di fod yn rhan o ddigwyddiadau marchnata a hyrwyddo’r Coleg rhwng Ionawr a Rhagfyr 2026, yn ogystal â cynrychioli’r Coleg o fewn dy brifysgol.
Mae’r Coleg Cymraeg wedi ymrwymo i egwyddorion cydraddoldeb ac amrywiaeth ac felly’n annog ymgeiswyr o unrhyw rhyw, oedran, anabledd, cefndiroedd Du, Asiaidd a Lleiafrifoedd Ethnig, cyfeiriadedd rhywiol a chrefydd i ymgeisio ar gyfer y rôl o fod yn llysgennad.
Cyfnod gwaith
1 Ionawr 2026 – 31 Rhagfyr 2026
Bydd bod yn llysgennad yn ehangu dy CV a datblygiad fel academydd, ac yn cynnig cyfleoedd cymdeithasol i ti.
Dyma restr o’r dyletswyddau:
- Datblygu’r ymdeimlad o gymuned ôl-radd cyfrwng Cymraeg (gyda chefnogaeth y CCC).
- Perchnogi’r cynllun llysgenhadon ôl-radd a dweud dy ddweud dros gyfeiriad y gwaith yn sgil anghenion myfyrwyr ôl-radd.
- Creu deunydd i’r cyfryngau cymdeithasol e.e blog/flog/ takeover ar Instagrm am fywyd myfyriwr ôl-radd
- Dilyn a rhannu negeseuon cyfryngau cymdeithasol ôl-radd y Coleg - Instagram @cccolradd, a rhannu’n gyson a pherchnogi’r grwpiau Facebook a Linkedin Cymuned Ôl-radd Cefnogi’r gwaith o farchnata a hyrwyddo’r Rhaglen Sgiliau Ymchwil
- Trefnu digwyddiadau ôl-radd, ar-lein neu wyneb yn wyneb, gyda chefnogaeth y CCC
- Cynnig awgrymiadau ar gyfer gweithdai hyfforddiant fel rhan o’r Rhaglen Sgiliau Ymchwil
- Cyflwyno o leiaf un erthygl academaidd i Gwerddon Fach, gyda chefnogaeth y CCC.
- Sicrhau bod myfyrwyr ôl-radd Cymraeg yn cael gwybod am ddarpariaeth y Coleg, e.e. drwy’r Ysgol Ddoethurol a chymdeithasau ôl-radd (ar arweiniad y CCC)
- Darparu cymorth ar y Cyrsiau Sgiliau Ymchwil
Sut i Ymgeisio? Llenwi'r ffurflen gais isod
DYDDIAD AGOR: 19 TACHWEDD 2025
DYDDIAD CAU: 10 RHAGFYR 2025
Bywyd myfyriwr ôl-raddedig
Sut brofiad yw bod yn fyfyriwr ôl-raddedig?
Mae myfyrwyr ôl-raddedig yn gallu cael profiadau o astudio a chymdeithasu yn Gymraeg, hyd yn oed os ydyn nhw’n astudio mewn gwlad arall. Yn y rhan hon, fe gei di wybod am brofiadau rhai o’n llysgenhadon ôl-raddedig. Mae rhai yn byw ac yn astudio yng Nghymru, ac eraill y tu hwnt i Gymru!
