Doctoriaid Yfory

Cynllun yw ‘Doctoriaid Yfory’ lle ry’n ni’n trefnu gwahanol weithgareddau ar dy gyfer, i dy baratoi di ar gyfer gwneud cais am le ar gwrs Meddygaeth. 

Mae gweithgareddau’r cynllun yn cynnwys:

• Cyfleoedd i gwrdd â phobl sy’n gweithio ym maes meddygaeth, a myfyrwyr sy’n astudio meddygaeth ar hyn o bryd, er mwyn clywed am eu profiadau nhw.
• Datblygu dy ddeallwriaeth am y sector a'r math o sgiliau sydd eu hangen arnat ti i weithio yn y byd meddygaeth.
• Datblygu sgiliau i dy helpu i wneud cais llwyddiannus.
• Dy baratoi ar gyfer y broses gyfweld.
• Gwybodaeth am pam y bydd gwneud rhan o’r cwrs Meddygaeth yn Gymraeg yn dy helpu di i gael swyddi yn y dyfodol.

O fod yn rhan o'r cynllun bydd yr aelodau yn derbyn cefnogaeth arbenigol gan staff Ysgolion Meddygol Prifysgol Caerdydd, Abertawe a Bangor. Yn ychwanegol, o sicrhau presenoldeb o 70% ar gyfer yr holl sesiynau, yn ogystal a chyrraedd y meini prawf academaidd, bydd Ysgol Feddygol Prifysgol Caerdydd a Phrifysgol Bangor yn gwarantu cyfweliad.