Cynhadledd Cemeg Caerdydd 2026 ar 27 Mai 2026 ym Mhrifysgol Caerdydd. Bwriad y gynhadledd yw creu fforwm ar gyfer ymchwilwyr cemeg boed mewn prifysgolion neu ddiwydiant i drafod darganfyddiadau diweddaraf yn y maes.
Bydd cyflwyniadau ar amryw o destunau cemegol gan ymchwilwyr gyrfa cynnar a phrofiadol gan gynnwys ein siaradwyr gwadd. Dyma gyfle arbennig i gemegwyr led-led Cymru a thu hwnt i arddangos eu gwaith ymchwil trwy gyfrwng y Gymraeg.
Cyfieithu
Cynhelir y gynhadledd yn y Gymraeg a bydd gwasanaeth cyfieithu ar y pryd ar gael. Bydd y gynhadledd hefyd yn cael ei recordio a’i darlledu’n fyw ar y we. Mae croeso cynnes i bawb sy’n ymddiddori yn y gwyddorau cemegol i gofrestru ar gyfer y gynhadledd drwy ddilyn y ddolen isod.
Galwad i gyfrannu
Gofynnir am bapurau o unrhyw ddisgyblaeth gemegol. Croesawn gyflwyniadau gan fyfyrwyr ôl-radd neu ymchwilwyr gyrfa gynnar yn ogystal ag academyddion profiadaol.
Dylai’r cyflwyniadau fod yn 10 munud o hyd a bydd 5 munud o gwestiynau gan y gynulleidfa yn dilyn.
Gofynnir i bawb sy’n dymuno cyflwyno eu gwaith yn y gynhadledd i ddarparu crynodeb o’u cyflwyniad (nid mwy na 300 gair) drwy lenwi’r ffurflen gofrestri erbyn 24 Mawrth 2026.
Cystadleuaeth posteri
Ceir cystadleuaeth posteri i fyfyrwyr ôl-radd ac ymchwilwyr ôl-ddoethurol. Gofynnir i bawb sy’n dymuno cyflwyno poster i ddarparu crynodeb o’u poster (nid mwy na 250 gair) drwy lenwi’r ffurflen gofrestri erbyn 31 Mawrth 2026. Croesawn ymgeisiadau i gyflwyno poster a chyflwyniad llafar.
Bydd gwobr o £100 ar gyfer y poster gorau a gwobr o £50 am yr ail safle.
Er mwyn cofrestru dilynwch y ddolen yma os gwelwch yn dda: Cofrestru/Registration Cynhadledd Cemeg Caerdydd 2026 – Llenwi'r ffurflen.
