Bydd Prifysgol Aberystwyth yn cynnal Digwyddiad Rhannu Arfer Da - Rhagoriaeth Academaidd ar yr 2il (wyneb yn wyneb) a’r 3ydd (ar-lein) Gorffennaf 2024.
Mae’r digwyddiad hwn wedi bod yn bosibl oherwydd arian y Prosiect Grantiau Bach gan y Coleg Cymraeg Cenedlaethol.
Nod y digwyddiad deuddydd yw cyflwyno papurau o dan y thema Rhagoriaeth Addysgu – er enghraifft:
- Dysgu ac Addysgu
- Dysgu trwy gyfrwng y Gymraeg
- Cymorth i Fyfyrwyr
- Goruchwylio
- Tiwtora Personol
Bydd y papurau academaidd yn gyfle i staff ar draws Cymru gyflwyno eu hymchwil, o dan y thema ymarfer academaidd - trwy bapurau, posteri, paneli ac ati. Croesewir cyflwyniadau yn y digwyddiad gan unrhyw un sy'n addysgu o staff i fyfyrwyr PhD.
Mae'r cais am gynigion, yn y ddolen isod, yn gofyn am gyflwyniadau heb fod yn fwy na 500 gair trwy gyfrwng y Gymraeg. Rydym yn croesawu cyfraniadau i'r digwyddiad ar ffurf:
- 20 munud o gyflwyniad
- 45 munud o gyflwyniad
- Cyflwyniad unigol neu grŵp
- Posteri gan unigolion neu grwpiau
- Paneli rhannu arfer da
Y dyddiad cau ar gyfer y cynigion yw canol dydd, dydd Mercher, 27 Mawrth 2024
Am ragor o wybodaeth cysylltwch gydag Annette Edwards, aee@aber.ac.uk