Digwyddiad: Gŵyl yr Haf, Coleg Cymraeg Cenedlaethol + Adran y Gymraeg, Prifysgol Abertawe
Dyddiad: Dydd Iau 4 Gorffennaf 2024
Amser: Digwyddiad diwrnod 10yb-3yp
Lleoliad: Canolfan y Celfyddydau Taliesin, Prifysgol Abertawe, Abertawe
Cynulleidfa: Dysgwyr Cymraeg Ail Iaith Bl.11 + Bl.12
Cynhelir Gŵyl yr Haf yng Nghanolfan y Celfyddydau Taliesin, Prifysgol Abertawe, ddydd Iau 4 Gorffennaf 2024 rhwng 10yb a 3yp.
Nod y diwrnod yw rhoi cyfle i ddysgwyr fydd yn astudio Cymraeg UG/Safon Uwch Ail Iaith ym mis Medi 2024 baratoi ar gyfer y flwyddyn academaidd nesaf, brofi elfennau o fyw a gweithio drwy gyfrwng yr iaith, a chael blas ar astudio’r Gymraeg yn y brifysgol.
Rydym yn gwahodd dysgwyr blwyddyn 12 presennol sy’n astudio’r pwnc ac yn estyn croeso am y tro cyntaf hefyd i unrhyw ddysgwyr blwyddyn 11 sydd wedi dangos diddordeb yn dewis y Gymraeg fel pwnc ym mis Medi.
Bydd y diwrnod yn cynnwys amrywiaeth o sesiynau astudio, gweithdai diddorol, ffair stondinau, cerddoriaeth a chyfle i gymdeithasu. Yr union amserlen i’w chyhoeddi maes o law.
Mae’r diwrnod, yn cynnwys yr holl weithgareddau a lluniaeth, i gyd am ddim, a gall y Coleg Cymraeg Cenedlaethol hefyd gyfrannu at gostau teithio ysgolion ac unigolion i gyrraedd Abertawe.
Mwy o fanylion yn y llythyr isod neu drwy gysylltu â ff.owen@colegcymraeg.ac.uk.
Mae'r ffurflen gofrestru gychwynnol ar gael isod. Bydd angen cofrestru erbyn 14 Mehefin fan bellaf.