Swyddi a Chyfleoedd

Teitl Swydd:            Swyddog Addysg Gychwynnol Athrawon

Cyflog:                £31,236 – £37,694 (Pwyntiau sbinol 22 – 29) 

Lleoliad:            Caerfyrddin, Caerdydd, Aberystwyth, Caernarfon-Mae hyblygrwydd i weithio yn rhannol o adref fel rhan o’n dull gweithio hybrid

Statws Cyflogaeth:        Llawn amser, cyfnod penodol hyd at 31 Ionawr 2027 

Mae’r Coleg yn barod i ystyried secondiad ar gyfer y rôl yma  

Dyddiad Cau:            12:00 ar ddydd Mawrth, 6 Ionawr 2026

Dyddiad Cyfweliad:        Dydd Iau, 15 Ionawr 2026 yng Nghaerfyrddin

Swyddog Addysg Gychwynnol Athrawon

Wyt ti’n unigolyn trefnus a chreadigol sydd â dealltwriaeth o’r maes Addysg Gychwynnol Athrawon a phrofiad o reoli prosiectau?

Mae’r Coleg yn chwilio am unigolyn i ymgymryd â rôl gyffrous ym maes hyfforddi athrawon sy’n cynnwys: hyrwyddo cyfleoedd i ddarpar fyfyrwyr ac is-raddedigion hyfforddi fel athrawon a chydlynu prosiect mentora Dysgu’r Dyfodol.

Mae sicrhau gweithlu addysg gyda sgiliau Cymraeg yn allweddol i lwyddiant strategaeth Cymraeg 2050 Llywodraeth Cymru i greu miliwn o siaradwyr Cymraeg ac i weithredu Deddf y Gymraeg ac Addysg. Drwy gydweithio gyda phartneriaid megis Llywodraeth Cymru, darparwyr addysg gychwynnol athrawon a Chyngor y Gweithlu Addysg nod y Coleg yw annog mwy o ddarpar athrawon i hyfforddi, ac i gefnogi ymdrechion i sicrhau eu bod yn derbyn hyfforddiant o’r radd flaenaf sy’n eu galluogi i addysgu trwy gyfrwng y Gymraeg neu i ddysgu’r Gymraeg fel pwnc.

Os wyt ti eisiau chwarae rhan allweddol yn y gwaith o ddenu mwy o bobl i ddilyn gyrfa ym myd addysg – ymgeisia am y swydd hon!

Gwahoddir ceisiadau am unigolion i wasanaethu ar Fwrdd y Coleg Cymraeg Cenedlaethol fel Cyfarwyddwyr Anweithredol ac Ymddiriedolwyr.

Mae hwn yn gyfle cyffrous i unigolion sydd yn awyddus i ddefnyddio'u sgiliau a phrofiadau i gyfrannu at waith corff cynllunio cenedlaethol uchelgeisiol sydd â'r Gymraeg wrth galon ei weledigaeth a'i bwrpas.

I gael rhagor o wybodaeth ac i wneud cais dilynwch y dolenni isod: