Gweithdy Datblygu Staff: Canllaw Diffinio Darpariaeth Addysg Uwch cyfrwng Cymraeg a Dwyieithog
Dyddiad: 11 Tachwedd 2026
Amser: 14:00
Lleoliad: Ar-lein
Cyfrwng: Cymraeg
Cynulleidfa: Darparwyr Addysg Uwch
Cyhoeddodd y Coleg Cymraeg y Canllaw Diffinio Darpariaeth Addysg Uwch cyfrwng Cymraeg a Dwyieithog yng ngwanwyn 2026 yn dilyn proses fanwl o ymgynghori gyda'r sector a chydweithwyr yn Medr. Mae'r Canllaw yn darparu fframwaith cyson ar gyfer diffinio, cyfrifo ac adrodd ar ddarpariaeth cyfrwng Cymraeg a dwyieithog ar draws y sector.
Mae'r gweithdy hwn wedi'i anelu at ddarlithwyr a chydweithwyr sy'n cynllunio, darparu neu reoli darpariaeth addysg uwch cyfrwng Cymraeg a dwyieithog. Bydd yn cynnig cyflwyniad ymarferol i'r Canllaw, gan egluro'r egwyddorion sy'n sail iddo a sut y gellir ei ddefnyddio mewn cyd-destunau gwahanol.
Yn y gweithdy hwn byddwn yn...
Deall sut mae'r Canllaw yn diffinio gwahanol fathau o ddarpariaeth cyfrwng Cymraeg a dwyieithog.
Sicrhau eich bod yn defnyddio dull cyson wrth gynllunio ac adrodd ar ddarpariaeth.
Ystyried enghreifftiau ymarferol a sefyllfaoedd go iawn o'r sector.
P'un a ydych yn newydd i'r Canllaw neu eisoes wedi dechrau ei ddefnyddio, bydd y sesiwn hon yn gyfle gwerthfawr i ddatblygu eich dealltwriaeth a sicrhau bod eich arferion yn cyd-fynd â'r dull cenedlaethol a fabwysiadwyd ar draws y sector.
Archebwch eich lle drwy'r ddolen isod.