Cynhelir Cynhadledd Ymchwil y Coleg Cymraeg ar 26–27 Mehefin 2025 yn Aberystwyth.
Caiff y gynhadledd hefyd ei ffrydio ar sianel YouTube y Coleg (nid oes angen cofrestru i ymuno ar-lein)
Mae’r gynhadledd ryngddisgyblaethol flynyddol hon yn agored i bawb sydd yn cynnal ac sydd â diddordeb mewn ymchwil academaidd trwy gyfrwng y Gymraeg, beth bynnag yw’r maes a'r ddisgyblaeth.
Amserlen:
Dydd Iau 26 Mehefin (Canolfan Gynadledda Medrus)
- 12:30pm - 4:30pm: Hyfforddiant iechyd a lles i fyfyrwyr ôl-radd
- 4:30pm - 6pm: Y Gynhadledd Ymchwil: papurau gwyddonol
Dydd Gwener 27 Mehefin (Y Llyfrgell Genedlaethol)
- 9:30am - 3:30pm: Y Gynhadledd Ymchwil
Dyma'r papurau a gyflwynir yn ystod deuddydd y gynhadledd:
- ‘Tân a Thrydan: Dulliau Electrocemegol ar gyfer Thermocatalysis’ – Oliver Wright (Prifysgol Caerdydd)
- 'Defnyddio diagramau dolen achosol i ddeall ymddygiadau yfed alcohol a’r niweidion cysylltiedig' - Elin Williams (Prifysgol Caerdydd)
- ‘Sefydlogi emylsiynau trwy ddefnyddio tewychwyr ac emwlsyddion’ – Ieuan Roberts-Harry (Unilever, yr Iseldiroedd, a Phrifysgol Amsterdam)
- ‘Cymru, y system-fyd, a'r longue durée’ - Dr Samuel Parry (Prifysgol Met Caerdydd)
- '‘Ffermio "synnwyr cyffredin" yw hwn': Archwiliad o deimladau a phenderfyniadau ffermwyr ynghylch mabwysiadu arferion amaethyddol cylchol’ - Ffion Evans (Prifysgol Bangor)
- 'Rhoi llwyfan i leisiau benywaidd: cynrychiolaeth a'r Cwricwlwm Llenyddol' - Emily Evans (Prifysgol Abertawe)
- ‘Cymhariaeth gymharol o effaith y defnydd o strategaethau drama a chelf ar gaffael geirfa ac idiomau'r Gymraeg ymhlith dysgwyr cynradd’ - Mari Rhian Owen (Prifysgol Aberystwyth)
- 'AR-BRO-FI - Dehongli straeon brodorol yn nhirweddau hudolus Cymru' - Catrin Bradley (Prifysgol Cymru y Drindod Dewi Sant)
- ‘Hunaniaeth a threftadaeth Gymreig ym Mharc Cathays, Caerdydd’ - Catrin Edwards-Greaves (Prifysgol Caerdydd)
- ‘Tu hwnt i’r ddinas: ai trefi Cymru yw dinasoedd smart y dyfodol?' - Beca Lleucu Gwyddno (Prifysgol Bryste)
- ‘Taith Iaith – addysg a thu hwnt: profiadau siaradwyr ifanc o fod yn siaradwyr Cymraeg mewn ardaloedd lle y ceir dwysedd isel o siaradwyr Cymraeg’ - Charlotte Amesbury (Prifysgol Bangor)
Cynhelir hefyd gystadleuaeth Posteri Ymchwil, a gaiff ei beirniadu gan Dr Hywel Griffiths.
Bwriad y gynhadledd yw rhoi cyfle i’r to nesaf o academyddion i dorri eu dannedd ar gyflwyno eu hymchwil gerbron cynulleidfa o gyfoedion. Mae’r gynhadledd hefyd yn gyfle i rwydweithio gydag ymchwilwyr Cymraeg eu hiaith ac i feithrin cymuned ehangach o academyddion sy'n hyrwyddo darpariaeth cyfrwng Cymraeg yn ein prifysgolion.
Dewch i gefnogi'r to nesaf o academyddion Cymraeg wrth iddynt drafod ffrwyth eu hymchwil. Bydd hwn yn gyfle da i'r gymuned ymchwil yng Nghymru gwrdd â'i gilydd, rhannu syniadau a phrofiadau, a hyrwyddo astudiaethau ysgolheigaidd trwy gyfrwng y Gymraeg.
Am ragor o wybodaeth cysylltwch â m.james@colegcymraeg.ac.uk.
Dyddiad cau i gofrestru: 17 Mehefin 2025