Eisiau lle gwych i gyhoeddi dy ymchwil am y tro cyntaf? Beth am ei gyhoeddi yn Gwerddon, sef cyfnodolyn ymchwil y Coleg.
Hyfforddiant a chyfleoedd i fyfyrwyr ôl-raddedig
Mae’r Coleg yn cefnogi myfyrwyr ôl-raddedig i ddod yn ymchwilwyr o’r radd flaenaf ac yn eu paratoi i gystadlu am swyddi yn y byd academaidd a thu hwnt.
Mae ein holl gynlluniau yn agored i fyfyrwyr ôl-raddedig a staff gyrfa gynnar o bob prifysgol – yng Nghymru a thu hwnt – beth bynnag yw dy bwnc a phwy bynnag sy’n dy gyllido.
Rhaglen Hyfforddiant Sgiliau Ymchwil
Mae Rhaglen Sgiliau Ymchwil y Coleg yn agored i fyfyrwyr ôl-radd o bob prifysgol, ac wedi’i threfnu'n arbennig er mwyn cefnogi a chynnig hyfforddiant ymarferol i bob ymchwilydd gyrfa-gynnar – p’un a wyt ti'n astudio ar gyfer gradd Meistr, MPhil, PhD neu ymchwil ôl-ddoethurol.
Mae’r Rhaglen yn cynnwys nifer o gyrsiau wyneb-yn-wyneb, sesiynau ar-lein a chynhadledd ymchwil ryngddisgyblaethol flynyddol. Does dim cost i ti fynd i’r sesiynau hyn.
Mae’r rhaglen hefyd yn ffordd o greu cymuned ac yn helpu meithrin ymdeimlad o berthyn, felly ymuna â chymuned ôl-raddedig y Coleg a manteisia ar y cyfleoedd sydd ar gael i ti.
Clicia ar y rhaglen isod i ddarllen rhagor o wybodaeth am ddigwyddiadau eleni.
Cwrs 1
16 – 17 Hydref 2024: Aberystwyth
Cwrs preswyl yn cynnwys y gweithdai isod:
- Cyflwyniad i ymchwil
- Dod o hyd i wybodaeth
- Hawlfraint ac eiddo deallusol
- Taith a chyflwyniad i'r Llyfrgell Genedlaethol
- Rheoli'ch goruchwyliwr
- Llunio adolygiad o’r llenyddiaeth
- Dulliau ymchwil
- Cynllunio a chyflwyno posteri ymchwil
Cwrs 2
13 – 14 Tachwedd 2024: Bangor
- Rhoi graen ar eich gwaith (sgiliau astudio)
- Cymraeg ar y cyfrifiadur
- Iechyd a Lles
- Cydweithio ar gyfer ymchwilwyr
- Sgiliau cyfathrebu a chyflwyno
- Methodoleg dyfynnu a chyfeirio at ffynonellau
- Cyfieithu, trawsieithu a rheoli termau
- Rheoli amser a phwysau gwaith
Cwrs 3
10 – 11 Rhagfyr 2024: Caerdydd
- Ysgrifennu academaidd
- Ymchwil a chyhoeddi
- Sgiliau Microsoft i fyfyrwyr ymchwil
- Sgiliau ysgrifennu 1:1
- Paratoi a chyflwyno papur cynhadledd
- Trefnu a rheoli eich ymchwil
- Cynllunio, strwythuro ac ysgrifennu’r PhD
- Cynllunio holiaduron, grwpiau ffocws a chyfweliadau
- Cyflwyniad i Python
Cwrs 4
28 – 29 Ionawr 2025: Bangor
- Paratoi at y Viva
- Paratoi cais am grant
- Cynllunio gyrfa a chwilio am swyddi
- Paratoi CV a chais effeithiol am swydd
- Cyfathrebu a rhwydweithio digidol effeithiol
- Cyflwyno'ch hun yn broffesiynol mewn cyfweliad
- Cyfrannu at waith tîm
- Ymdopi â newid: gorffen yn y brifysgol
“Roedd cymysgedd o bob dim sydd angen er mwyn cwblhau PhD. Roedd hefyd yn gyfle gwych i gwrdd â myfyrwyr eraill o Brifysgolion eraill oedd yn yr un cwch â mi. Rwy'n dal i gadw mewn cysylltiad gyda nhw“
Gwerddon
Gwerddon Fach
Os nad oes gen ti erthygl hir am dy waith ymchwil, beth am gynnig erthygl fer i Gwerddon Fach, ein blog ymchwil ar wefan newyddion Golwg360?
Tystysgrif Sgiliau Iaith
Os wyt ti eisiau tystiolaeth o dy allu i ddefnyddio’r Gymraeg yn y gweithle, beth am wneud y Dystysgrif Sgiliau Iaith?
Mae’r Dystysgrif yn agored i unrhyw fyfyriwr ôl-raddedig ar unrhyw lefel. Bydd tiwtor ar gael i gynnig arweiniad a rhoi cefnogaeth.
Os wyt ti’n derbyn ysgoloriaeth PhD, bydd angen i ti wneud y Dystysgrif. Ac os wyt ti wedi ennill y Dystysgrif yn barod, mae tiwtor ar gael i gynnig cefnogaeth ieithyddol sydd wedi’i theilwra i dy anghenion unigol.
Cynhadledd Ymchwil
Cynhadledd ryngddisgyblaethol flynyddol sy'n gyfle gwych i fyfyrwyr ymchwil a staff rannu eu hymchwil yn Gymraeg a chyfarfod ag academyddion eraill.
Bydd Cynhadledd Ymchwil aml-ddisgyblaethol y Coleg ar 27 Mehefin 2025.